Заспаните убавици: Повторното будење на модата (Sleeping Beauties: Fashion Reawakening) е темата на Met Gala 2024, на најпознатиот моден настан што традиционално се одржува во првата недела од мај, во Њујорк.
Основан во 1948 година, овој хуманитарен настан набргу стана синоним за престиж и собир на најголемите ѕвезди од светот на модата, филмот, музиката и уметноста.
Met Gala 2024 ќе се одржи на шести мај, во организација на Метрополитен музејот за уметност во Њујорк. На изложбата ќе се најдат околу 50 историски значајни парчиња што се премногу деликатни за повторно да се носат – оттука и името „заспани убавици“. Изложбата вклучува и околу 250 предмети од постојаната колекција на Институтот за костими на Метрополитен музејот меѓу кои се и оние на Elsa Schiaparelli, Christian Dior, Hubert de Givenchy и на Yves Saint Laurent.
Според организаторите идеја е темата да ги помести границите на имагинацијата за да се доживеат многуте аспекти на модата и да се стекне подлабоко разбирање за нејзината убавина, како една од најемотивните уметнички форми поради нејзината поврзаност со телото.
Годинава тема на настанот беше во чест на творештвото на легендарниот дизајнер Karl Lagerfeld, препознатлив по долгогодишниот ангажман во Chanel.
Настанот ќе биде спонзориран од TikTok./M.M.
