Во описот на новиот Mugler Angel Elixir парфем од брендот посочуваат дека е фасцинантна мирисна ѕвезда, инспирирана од пионерската парфемска легенда на Mugler, создадена пред 30 години. Mugler Angel Elixir е своевиден катализатор за повторното обмислување на реалноста, нова потрага по женственоста, со магнетна сила на ново парфемско искуство.
Самиот парфем Mugler Angel Elixir е сложена симфонија од дрвенести цветни и гурмански мириси. Составот вклучува зачинета кора од розова пиперка, јасмин и кремасти ноти од сандалово дрво, како своевидно луксузно и етерично искуство.
Самото шише на парфемот зборува за посветеноста на Mugler кон авангардниот дизајн: со асиметрична ѕвезда со пет крака, ажурирана специјално за Angel Elixir. Шишето содржи неверојатен сафир натопен со сребро, кој ја одразува инспирацијата на парфемот и на неговите небесни теми. Според Mugler, Angel Elixir е цветен Млечен Пат во шише, искра од блесок на метални зачини, во маглина од инфузија од ванила поттикната од Amber Xtreme…
Најновата рекламна кампања за Mugler Angel Elixir е блескав спој на футуристичка мода и небесна инспирација, во која главната улога ја има Hunter Schafer, позната по улогата во хит серијата Euphoria.
