Првата сезона на Скопскиот моден фестивал, под слоганот The Future was Present, започна вечерва во Скопје Сити Мол и ќе трае до 27 март. Најавено е учество на реномирани дизајнери и брендови од земјата и странство, заедно со истакнати уметници и музичари како специјални гости во програмата.
Првиот викенд од март е резервиран за модни ревии и шоуа кои ќе се одржуваат од 19 до 22 часот, на првиот кат од Скопје Сити Мол. Од 07.03 (понеделник), во 19 часот , свечено ќе се отвори и тринеделниот изложбено-продажен салон во трговскиот центар, каде ексклузивно ќе можат да се погледнат и купат креациите на мнозинството фестивалски учесници.
Познати имиња како Евгенија Зафировска, Стефанија Насеска, Емили Пишева Гоџирова, Моника Димова, Сара Реџиќ и Мирјана Јосифоска, односно брендовите KTN, Minnimal, Bella, Superstacy, La Dama, Minimal by Nana и SIGMA Jewelry ќе се запишат како првите учесници на Скопски моден фестивал, заедно со странските гости: STL Studios (Грција), Teja Jeglich (Словенија), Katerina Zoto (Албанија) и престижната школа Akademia Evolucion (Косово).
Специјално претставување во рамки на манифестацијата ќе имаат и уметниците Бојан Ковски и Методија Јованов – Excellent Kitsch, додека премиерните чекори на модната писта ќе ги направи и сосема нова генерација на модели од сите домашни агенции.
„Скопје Сити Мол, како главен партнер и покровител на Скопски моден фестивал, ја споделува визијата на организаторите за нова, поинаква и пред сè успешна модна приказна во метрополата. Скопје Сити Мол е единствениот трговски центар, не само во државата, туку и во регионот, што во моментот ги отвора вратите и дава максимална поддршка на сите припадници на независната креативна сцена, нудејќи им простор и цел спектар на можности да ги промовираат своите дела пред нашите посетители и пошироката публика.“ – истакнуваат од менаџментот на SCM./М.М.
More in:Мода вести
Met Gala 2024 во знакот на совеста на модата
Met Gala 2024, одржана во престижниот Метрополитен музеј на уметноста и посветена на заспаните убавици ...
Met Gala 2024: Прослава на еволуцијата и на одржливоста на модата
Започна одбројувањето до најславната вечер во модата – Музејот на уметноста Метрополитен (Metropolitan Museum of ...
Француска елеганција на голема сцена: Berluti ги претстави олимписките униформи
Berluti, модната куќа за машка облека, ги претстави олимписките униформи наменети за тимот на Франција, ...
Puma патиките стануваат компост
Puma најави проширување на својата експериментална програма и тна естирањето на биоразградливоста на нивните производи. ...