За здрави возрасни луѓе кои сакаат силни коски, најчесто препорачаниот витамин Д изгледа не помага, но други работи навистина помагаат
Здравјето на коските станува се почеста тема и тоа не изненадува имајќи предвид дека во светот, една од три жени и еден од пет мажи, постари од 50 години, ќе развијат остеопоротична фрактура. Калциумот е клучната хранлива материја за градење на коските, а витаминот Д овозможува цревата да го апсорбираат од храната што ја јадеме, па лекарите често препорачуваат додатоци на Д за да се спротивстави на губењето на коскената маса поврзано со возраста.
Денес, повеќе од една третина од американците на возраст над 60 години користат суплемент на овој витамин.
Во Scientific American се посочува дека огромна студија, објавена во New England Journal of Medicine покажала дека земањето витамин Д во временски период од пет години не ја намалува стапката на фрактури кај здрави возрасни на возраст над 50 години. Тој резултат е изграден врз претходните наоди, предводени од истиот тим, дека суплементот Д не ја подобрува густината на коските. Едиторијалот што ја придружуваше студијата изјави дека е време медицинските работници да престанат да ги туркаат овие апчиња и да престанат да нарачуваат толку многу тестови на крвта за нивото на витамин Д.
„Храната и инцидентно изложување на сонце веројатно обезбедуваат доволно витамин Д за здрави возрасни лица“, вели ендокринологот Meryl LeBoff од Brigham Women’s Hospital во Бостон, кој ја водеше студијата. Но, LeBoff става акцент на здравите возрасни лица. Студијата не се фокусираше на оние кои веќе имаат остеопороза и/или земаат лекови за неа. Таквите луѓе би било требало да останат на витамин Д и калциум во суплемент, советува таа.
Што помага во одржување на силни коски за сите нас? Едноставниот одговор е храната, која е богата со калциум, како што се млечните производи, сардините и тофуто. Здравствените власти препорачуваат многу повеќе калциум отколку што повеќето рутински го примаат: 1.300 милиграми дневно за деца и млади на возраст од девет до 18 години, који ја градат густината на коските за цел живот, 1.000 мг дневно за оние на возраст од 19 до 50 години, како и 1.200 мг за жени по 50 и мажи по 70 години. Преведено во количество на храна тоа е малку многу: на пример, ќе треба да се пијат најмалку три чаши јогурт, или да се јадат речиси девет чаши урда за да добијат 1.200 mg калциум.
Најдобро е калцијумот да се добие од храна„истакнува LeBoff, бидејќи освен калцијум има и многу други хранливи материи и континуирана апсорпција, отколку со суплементи“.
Оние који сакаат да го започнуваат денот со кафе, треба да знаат дека умереното консумирање може да им помогне на коските. Иако многу високи нивоа на кофеин – да речеме, шест до осум шолји кафе – предизвикуваат губење на калциум во урината, се чини дека една или две шолји имаат корисен ефект. Студијата предводена од Ching-Lung Cheung од Hong Kong University го поврза кафето со поголема густина на коските на лумбалниот ‘рбет или горната коска на бутот. „Внесувањето на кафе, ако не и претерано, треба да биде безбедно за коските“, вели тој!
Свое влијание има и алкохолот: прекумерното пиење може да го наруши производството на витамин Д во телото, додека умереното конзумирање има поелзни ефекти. Од друга страна, газираната вода е погрешно означена: таа не ги ослабува коските, иако доказите сугерираат дека газираните пијалоци може да го направат тоа.
Другиот клучен елемент на здравјето на скелетот вклучува топење на калориите, наместо нивно внесување. Вежбањето со тежина го стимулира формирањето на коските во текот на животот. И не мора да носите тегови. Само поддршката на сопствената тежина при одење, трчање или скокање го прави трикот. Затоа, додека се подготвувате за подобри нутритивни избори, додадете повеќе вежбање во вашето мени со новогодишни одлуки/M.M.
