Додека кинеските брендови функционираат според она што може да се нарече „Маркетинг 5.0“ — модел кој се фокусира на дигитализацијата, брзо тестирање и учење од неуспесите — многу западни брендови остануваат втемелени во „Маркетинг 1.0“, каде што производот е пред искуствата и потребите на клиентите.
Глобализацијата, напредокот на технологијата и новите генерации потрошувачи ја менуваат сликата за врвната мода во Кина, но не сите значајни европски брендови успеваат да се прилагодат кон овие промени.
Во светот на врвната мода, адаптабилноста е клучна за опстанок, а многу од брендовите присутни на кинескиот пазар сèуште се држат за застарени модели и традиции. Магазинот Jing Daily објави согледување од годишни анализи на повеќе од 500 врвни, воглавно европски брендови присутни на кинескиот пазар, од кои голем број неуспеваат да ги следат брзите промени со соодветни прилагодувања.
Имено, Кина, како глобален лидер на пазарот за луксузни производи, ја поставува агендата за брзи промени. Новите форми на трговија на социјалните мрежи, кои интегрираат забава и купување, сега сочинуваат 20% од вкупниот пазар за е-трговија во Кина. Западните брендови, иако се обидуваат да го применат ова на овите пазари, се уште не ја достигнуваат брзината на локалните конкуренти.
Но, брзината не зависи само од технологијата. Кинеските компании успеале да ја совладаат уметноста на адаптирањето и ориентираноста кон клиентите. Во исто време, многу западни брендови остануваат закочени во спорите процеси на донесување одлуки, што ги прави дополнително ранливи.
Кинеските потрошувачи бараат многу повеќе од самите производи — тие сакаат искуства што ќе ги задоволат нивните емоционални и културни потреби. Ова е особено изразено кај помладите генерации, како милениумците и Gen Z, кои се повеќе насочени кон искуства и самоизразување, отколку кон традиционални симболи на статус.
В таа насока, брендовите од Западот треба да го променат својот пристап и да се фокусираат на персонализирани и значајни искуства, кои ќе ги поврзат со нивните купувачи на ново, надградено ниво.
Поради брзите промени на потрошувачките навики, брендовите кои сакаат да опстанат мора да го прифатат трансформирањето како нова шанса. Ова вклучува не само воведување на нови технологии, туку и промена во организациските структури кои ќе овозможат побрзи реакции на пазарните промени.
Брендовите ќе мора да се фокусираат на клиентите, користејќи напредни аналитики и персонализирани искуства, што ќе создаде поврзаност и лојалност. Само брендовите кои се подготвени да ги прифатат новие промени и да се реинвентираат, ќе можат да сметаат за раст и успех кои, на кинескиот пазар денес се навистина неспоредливи.
Согледувањето покажа дека оние кои не успеваат да се адаптираат, а нивниот број не е мал и се работи и за врвни, глобални модни куќи, веќе ризикуваат да станат ирелевантни на кинескиот пазарот. Остварените деловни резултати на кинескиот пазар во периодот по пандемијата се најдобра потврда за сериозноста на наодите од согледувањето./M.M.
