Планирано е колекцијата од оваа ревија да биде прикажана и во другите центри на поранешна Југославија. Креациите на 25 дизајнери од сите републики на поранешна Југославија, своевиден југословенски ретро шик.
Во рамки на 50-тото издание на L’Oreal Fashion Week, во Белград, во палатата Србија е одржана модна ревија „Јованка во боја“, посветена на првата дама Јованка Броз, сопругата на Јосип Броз Тито, претседателот на СФР Југославија.
На публиката и беа претставени креации направени од оригинални материјали кои Јованка Броз ги добила на бројните патувања со другиот Тито. Креациите се на 23 дизајнери од сите републики на поранешна Југославија, инспирирани од софистицираноста и елеганцијата на поранешната прва дама.
Ревијата е дел од проектот „Јованка во боја“, во кој се претставвува наследството што семејството на Јованка Броз го доби по нејзината смрт, а опфаќа околу 3.000 артефакти – нејзини фустани, комплети, чевли, додатоци, како и скици, фотографии и други предмети.
Покровител на настанот е Тамара Вучиќ, сопругата на претседателот на Србија.
На ревијата присуствуваше и сестрата на Јованка Броз, Нада Будисављевиќ.
Светлана Броз, хуманист и писателка, внука на Јосип Броз Тито, коментирајќи ја ревијата за Данас изјави: за Јованка Броз креираа Александар Јоксимовиќ и Мирјана Мариќ. Нејзиниот стил го одредуваше нејзината фигура, но не беше карактеристичен во однос на боите. Затоа ми е драго што дизајнерите од просторите на поранешна СФР Југославија всушност беа инспирирани од големите творци Јоксимовиќ и Мариќ./М.М.
