Во клиниките за разубавување и подмладување во Франција постојано се организираат курсеви за „THREAD LIFT“, наменети за доктори, медицински сестри и анестезиолози. Така, со време во се поголем број приватни клиники и салони се применува овој третман за подмладување.
Станува збор за не-хируршка постапка за кревање на мускулите на лицето што се спроведува со употреба на растегливи тенки нишки изработени од полиестер и силикон. Тие имаат функција на „динамично подигнување“ на опуштените мускули на одредени делови од лицето. Еластичноста на нисшките овозможува непречено истегнување, соодветно со мимиките на лицето, без да предизвика искривување на лицето и трае од 4 до 6 години.
Нашата кожа, која има потешкотии да се спротивстави на гравитацијата, со текот на времето, поради еколошки и генетски фактори, може да се опушти, како и да развие длабоки брчки. Францускиот лифтинг е многу успешен, долготраен и ефикасен метод што се користи за реконструкција на линиите на лицето, за подигнување на спуштени веѓи, за ублажување на линиите околу усните, носот, вилицата, како и на вратот. Актерката Кертин Данев е еден од амбасадорите на овој метор, со години го користи и промовира како нехируршки лифтинг за задржување на младешкиот изглед.
Подигнувањето со нишки е процедура при која речиси невидливите конци се користат за да се овозможи суптилно, но видливо „кревање“ во кожата. Наместо хируршко отстранување на лабавата кожа на лицето, козметичкиот хирург едноставно ја суспендира со шиење на нејзини делови. Ова има ефект на повлекување на кожата малку назад и кревање и затегнување на лицето. Покрај тоа што се идеални за подигнување на кожата, нишките се борат со стареењето на друг начин: предизвикувајќи „исцелителен одговор“ на телото и предизвикувајќи телото да насочи големи бранови на колаген во третираните области. Ова е важно поради виталната улога што ја игра колагенот во процесот на стареење.
Колагенот помага да се поддржат „факторите за раст“ кои во голема мера влијаат на состојбата на нашата кожа. Покрај тоа што се користи за заздравување на раните, колагенот помага да ја одржуваме нашата кожа силна, обемна и еластична. Како што старееме, нашите тела постепено произведуваат се помалку колаген, што доведува до 80% намалување на дебелината на кожата за околу 70 -годишна возраст. Оваа загуба на волумен и сила е голем фактор во создавање вишок кожа и брчки.
„THREAD LIFT“ обезбедува тековно и прогресивно подмладување на ткивата на лицето. Пациентите кои имаат вакво подигнување ќе забележат постепено подобрување на тонот и цврстината на нивната кожа. Додека нивните нишки се на место, реакцијата на лекување на телото постојано ќе се активира, бидејќи телото ќе сака да ги „излечи“ зашиените области и да ги исфрли конците. Телото е биолошки програмирано да реагира на овој начин кога ќе почувствува каков било туѓ предмет присутен во дермисот. За среќа, бидејќи нишките поставени под кожата за време на подигнувањето на конецот се исклучително тенки, пациентот нема да почувствува ништо од ова.
Најголемата предност со овој потфат е значително намаленото време на опоравување. По хируршки лифтинг тој или таа мора да бидат под силни седативи; мора да се организира излегувањето од болница, а опоравувањето трае и по неколку недели. Тоа подразбира отсуство од работа, помош при домашни работи и бројни други организации.
Со „THREAD LIFT“е се релативно полесно. Подигнувањето може да се изведува под локална, а не општа анестезија, што значи дека по интервенцијата може да се вози до дома. Додека некои пациенти доживуваат малку болка, црвенило и оток и затоа сакаат да го одморат остатокот од денот, повеќето можат веднаш да се вратат на работа.
Силни лекови за болка се ретко потребни, што го олеснува враќањето во вообичаената рутина. Затоа, оваа постапка е идеална за оние кои се со обврски и неможат да отсуствуваат од домашни или деловни обврски./М.М.
