![](https://i0.wp.com/modamoda.mk/wp-content/uploads/2021/10/valentino-salone-del-mobile-2.jpeg?resize=600%2C400&ssl=1)
По повод Salone del Mobile, продавницата на Valentino во Милано е целосно реновирана поради настанот што се одржува и е битен за секој љубител на архитектурата во Италија. Valentino едноставно неможеше, а да не учествува и тоа на модерен и ултра-елегантен начин.
Познатата модна куќа преку објава на Инстаграм откри фотографии од бутикот по реновирањето, но и детали од префинетата нова сцена. Од брендот велат дека инспирација им бил Piccolo Teatro во Милано, чија естетика била доловена во бутикот на најелегантен начин.
![](https://i0.wp.com/modamoda.mk/wp-content/uploads/2021/10/alentino-salone-del-mobile-1.jpg?resize=600%2C800&ssl=1)
Valentino
По повод Salone del Mobile Valentino Act создаде колекција како ода на бескрајната креативност и уникатната култура на театарот. Во бутикот се создава нов „јазик“, кој ја претставува најновата колекција на Pierpaolo Piccioli, која се издвојува по своите фини, женствени линии.
Навистина е импресивно како модата прекрасно се комбинира со светот на театарот, во спектакуларна средина што ги пренесува посетителите во времиња исполнети со гламур./М.М.