Австралиска актерка и продуцентка Margot Robbi ќе ја игра Barbie, најпознатата кукла на светот, во новиот филм на режисерката Greta Gerwig. Margot Robbi е најавена како првата филмска Barbie од компаниите Warner Bros и Mattel уште во 2019 година. По цели три години одлагање, компаниите решија да го најават проектот за филмот и да ја објават првата слика.
Сликата и најавата за првиот филм за Barbie се објавени во рамките на годинешниот CinemaCon.
Освен што ќе ја игра Barbie , Robbie ќе го копродуцира филмот со нејзината компанија, LuckyChap Entertainment, заедно со нејзиниот сопруг Tom Ackerley, додека режисерката Greta Gerwig се потпишува на чело на проектот.
Во изјавата за филмот, Robbie рече дека и се восхитува на Barbie поради тоа што негува доверба, љубопитност и комуникација во детството и ги охрабрува децата да се замислат себеси во повеќе аспиративни улоги. Чест ми е да ја преземам оваа улога и да го продуцирам филмот за кој верувам дека ќе има огромно позитивно влијание врз децата и публиката ширум светот, вели актерката и продуцентката.
Ryan Gosling е избран да го игра Ken, момчето на Barbie . Покрај актерската екипа, беше објавено и дека проектот се очекува да се појави во кината во јули 2023 година./М.М.
