Новата колекција и краткиот филм ги спојуваат музиката и модата.
Во светот на музиката и модата, Бијонсе повторно покажува дека знае како двете да ги спои. По успешните албуми Renaissance и Cowboy Carter, светските турнеи, наградата Греми за Албум на годината и враќањето на Destiny’s Child, пејачката сега го претстави својот најнов моден проект: тексас колекцијата создадена во соработка со Levi’s.
The Denim Cowboy вклучува само седум модели, со блузи на врзување, како и јакни и фармерки со везови во каубојски стил и со украси со кристали.
Во кусиот филм во кој е претставена колекцијата настапуваат Бијонсе и Тимоти Олифант. Во него пеачката ги носи фармерките со рамен крој 501 Curve, надополнети со потпис Beyoncé x Levi’s. https://www.youtube.com/watch?v=rCi-xr0ZxaE
Според Кени Мичел, глобалниот CMO на Levi’s, колекцијата и пратечката рекламна кампања претставуваат ново ниво на соработка со Бионсе, со која едновремено се потенцира значењето на брендот на културната сцена.
Освен The Denim Cowboy, Бијонсе учествува и во три други кампањи: Launderette, Pool Hall и Refrigerator, инспирирани од реклами на Levi’s од 1980-тите и 1990-тите. Колекцијата е претставена и со музичка подлога од песната Levii’s Jeans од Cowboy Carter, во која гостува Пост Мејлон.
