Во пресрет на Меѓународниот ден на жената, од втори до осми март, на првиот кат на Скопје Сити Мол ќе се одржува „Сити базар – Подари љубов“ со учество на 42 модерни ракотворци.
Со уникатни и рачно изработени креации, од втори до петти март, ќе се претстават: Gaia_X, Ателје Сиена, MORPHO, ТИНОСКИ, КРУГ, NATURAL.RS, M&M Luxury Soap Bouquet, DIOSA Macrame, Zen.Zeal, Креативно студио Алегра, Botanikly, Lila Handmade, ByMimi Cosmetics, vbunarovska, АПИ КОЗМЕТИКА, Рачни уметнички ракотворби ДИМОВСКИ, Love Corner, Малезан Филигран, Glossy accessories, АКРЕА и BLOOM.
Од шести до осми март зад штандовите ќе бидат брендовите: Marcy’s handmade, epoxy_handmadebyclay, Кожарска работилница Хорват, МЕДЕНА, Шарено ќоше, Пекара Ваташа, Монкдолс, Irena’s bouquets, Џули Декупаж, Атеље Марта Пејоска, Filigree LARGO, GLOW Natural, Девојчето со книгите, Игнеа еко арома козметика, Small piece of joy, ЛАВИТА АГРО АБ, Лала Студио, Julia Barbun, Cariño handmade gifts & accessories, Nebula jewelry и Еко восочни обвивки.
Според соопштението, во рамките на одбележувањето на Денот на жената, ракотворците ќе се претстават со широка лепеза производи. За сите дами, артизаните изработија оригинален и храбро конципиран накит, како и сребрен накит, изработен во традиционална филигранска техника со современ и елегантен дизајн. Дел од уметниците ќе се претстават и со вегански козметички производи, цветни аранжмани, растетија, уникатни производи од свила и домашно направени колачи и чоколади. Некои од уметниците креираа и чанти и аксесоари изработени од кожа, трикотажен кабел, макраме конец, специфични видови на свила, како и декоративни органски сапуни, свеќи и еколошки восочни обвивки од памук и пчелин восок за повеќекратна употреба.
Настанот е дел од новата иницијатива на Скопје Сити Мол – „Сити базар“, која започна во јануари, со цел да се што обезбеди простор за промоција на иновативните занаетчии. „Сити базар“ ќе се одржува во текот на целата година, секогаш со нова тема со цел да понуди различни настани, фестивали, базари, перформанси, едукативни и интерактивни работилници… сето насочено кон промоција на македонските креативци.
