Хотелскиот конгломерат Aman му посака добредојде на Новак Ѓоковиќ – тенискиот ас именуван за прв глобален амбасадор на Aman Group. Партнерството ќе расте од година во година, нудејќи велнес одмори и ексклузивни програми на луксузните хотели на Aman ширум светот.
Ова именување следи по назначувањето на поранешната тениска ѕвезда, Maria Sharapova, за амбасадорка на швајцарскиот хотелски бренд, во септември минатата година.
Ѓоковиќ го изрази својот ентузијазам за новата улога велејќи: Со текот на годините негував секојдневна велнес рутина, комбинирајќи ги ментално здравје, исхраната и фитнесот, што ми овозможи да постигнам траен успех и на меѓународната сцена и во мојот личен живот.
Познат по своите персонализирани искуства и ексклузивни одморалишта, Aman има за цел да го интегрира големото искуство на Ѓоковиќ во своите велнес понуди. Предвидено е тој да води ексклузивни програми, а како глобален велнес советник на Aman Essential да учествува во годишните велнес проекти на Aman Club and Residences./М.М.
