Carine Roitfeld, модна уредничка и поранешен модел, која веќе пет години управува со истоимениот бренд, освен облека, создава и мириси. Така лани го претстави Carine, како водечки парфем на брендот, за сега да го лансира Forgive Me, како нов, мистичен и сензуален парфем.
Forgive Me е создаден во соработка со Dominique Ropion, култниот француски парфимер. Мистичниот парфем е со горни ноти од мандарина, црвен бибер и цвет од портокал. Во срцето се тубероза од Индија, иланг и гарденија, а во основата пачули, исто како и кај парфемот Carine. Спакуван е во темно виолетово шише, потенцирајќи ја така својата мистична привлечност.
Да се носи Forgive Me е како да откриеш друга жена во себе, како да се гледаш поинаку во огледалото, вели Roitfeld опишувајќи го новиот парфем. Овој нов класик е посветен на сите жени кои уживаат да играат според правилата.
Carine Roitfeld е француска модна уредничка, писателка и поранешна манекенка . Од 2001 до 2011 година била главен уредник на Vogue Paris, за во 2012 година да го основа списанието CR Fashion Book, со седиште во Њујорк./М.М.
Дополнителните информации за Forgive Me можат да се најдат на www.carineroitfeld.com.
