Скопје, 11.04.2023 – Во склоп на серијалот „Саеми во пролет“, Скопски Саем, со поддршка на Министерството за култура на РСМ, како Покровител на Саемот, го организира 35. Меѓународен Саем на книгата, кој годинава се одржува под мотото „Мирисот на нова книга ја најавува пролетта“.
Годинешното издание ќе се одржи од четврти до 10-ти мај, во Арената „Борис Трајковски“, каде „мирисот на новатакнига“ на изложените штандови на над 50 учесници, во кои се вбројуваат најуспешните македонски издавачки куќи, се проектира да привлече илјадници љубители на чувството да се поседува и подари нова книга.
Во календарот на најзначајни културни македонски настани, централното место со децении му припаѓа токму на „Саемот на книгата“, – најомилениот период од годината кога ѝ посветуваме посебна љубов и грижа на личната домашна библиотека или пак, кога ја зачестуваме навиката да пронајдеме и подариме нови книги на најблиските.
Најголемата манифестација посветена на книгата на национално ниво, која во месец мај ќе претстави голем број наслови од сите континенти во светот, го промовиракнижевното творештво и љубовта кон пишаниот збор, како и културна размена и иницирање на актуелни литературни и општествени прашања.
Неформално познат како „фестивал на пишаниот збор“, ,„Саемот на книгата“ секоја година е домаќин и главен центар на најзначајните домашни и бројни странски автори и издавачи, кои ги претставуваат своите најактуелни изданија.
Скопски Саем
