Bobe's bakery
Смоквите се вкусно и хранливо, нискокалорично овошје, корисно и здраво за јадење во овие есенски месеци. Секако дека нема ништо поубаво од свежо овошје, но треба да се зачува и за останатите месеци во годината, а тука е ненадминлив домашниот џем од смокви.
Ќе биде вистински деликатес, а и додаток на бројни слатки и колачи.
Потребни состојки:
- 3 кг зрели смокви,
- килограм шеќер,
- сок од лимон,
- мала лажица цимет,
- две лажици рум.
Bobe’s bakery
Излупените и исечкани на четвртинки смокви се редат во длабоко тенџере. Се додаваат шеќерот и сокот од лимон. Се вари триесетина минути. Се додаваат румот и циметот. Се продолжува со варењето уште десетина минути. Топлиот џем се полни во топли тегли.
Останува само да уживате во преубавиот вкус на џемот од смокви!/Б.Б.
