![](https://i0.wp.com/modamoda.mk/wp-content/uploads/2020/10/3-01-1.jpg?resize=796%2C400&ssl=1)
Нашите омилени книги нè водат на места кои никогаш не сме ги замислиле во реалниот живот
Новата книжарница дизајнирана од врвните архитекти од компанијата X+Living ја има истата моќ – физички да не пренесе во други светски сфери, создавајќи едно ново магично искуство.
![](https://i0.wp.com/modamoda.mk/wp-content/uploads/2020/10/004.jpg?resize=667%2C1000&ssl=1)
X+Living, основана од кинескиот архитект Ли Ксианг (Li Xiang) во 2011 година, е интернационална компанија за архитектурен дизајн што се стреми кон постигнување на совршена интеграција помеѓу уметничката естетика и практичните функции. ,,Дизајнот создава вредност’’ e основениот концепт на оваа компанија која цели постигнување на највисокиот квалитет на дизајнерските дела, од идеен дизајн до нивното конечно завршување.
![](https://i0.wp.com/modamoda.mk/wp-content/uploads/2020/10/008.jpg?resize=1200%2C800&ssl=1)
Книжарницата ги отвори својте врати во јули, се наоѓа во градот Ченгду, Народна Република Кина. Дизајнот е инспириран од културата, историјата и географијата на самата локација. Целта е да се создаде локална, внатрешна оаза што е одраз на она што е надвор.На прв поглед, се забележуваат свртени сводови, блескави полици за книги и бескраен лет на скали кои се чини дека достигнуваат до небото. Дизајнот содржи огледала и рефлектирачки подови од плочки со цел да се создадат оптички илузии кои нагло го зголемуваат и просторот и висината на полиците за книги. Земјените тонови на кафеава, беж и црна боја доминираат во овој дизајн.
![](https://i0.wp.com/modamoda.mk/wp-content/uploads/2020/10/dujiangyan-zhongshuge-bookstore-china-xliving-5.jpg?resize=1200%2C1800&ssl=1)