Од класична елеганција до современа мистичност — парфемите со лаванда носат спокој, стил и нежна сензуалност за секоја пригода.
Лавандата, едно од најпочитуваните есенцијални масла од антички времиња, повторно го зазема своето место на парфемската сцена. Покрај тоа што буди слики од европски полиња и чистота со пудраст финиш, нејзиниот мирис е и научно докажан начин за намалување на стресот. Денес, лавандата не е само мирис за пролетните денови — таа станува составен дел од модерната парфемска палета, совршено вклопена во дневни и вечерни композиции.
Како што истакнуваат експертите за парфеми, лавандата е канонски мирис во светот на парфемите, и одлично функционира и за ден, како и за вечерни пригоди. Најчесто се комбинира со други цветни ноти – јасмин и ружа, како и со цитруси или тревки за освежителна и комплексна арома.
Од романтични и суптилни, до заводливо интензивни, мирисите со лаванда се идеални и за овие пролетно – летни денови.
Chloé Atelier des Fleurs Lavanda
За љубителите на чиста, природна лаванда. Овој мирис е инспириран од детските спомени на парфимерот и е како мирисно патување низ семеен градинарски рај.
Рецензија: Изгледа како свежо набрана лаванда. Трае околу пет часа, но е неверојатно префинет.
YSL Libre Eau de Parfum
Современа, силна и елегантна – оваа темно-цветна комбинација на лаванда, портокалов цвет и мошус трае со часови и остава впечаток на самодоверба.
Acqua di Parma Colonia Eau de Cologne
Италијанска класика со утринска свежина. Лимон, портокал и бергамот се отвораат први, а потоа доаѓаат лавандата и розата – чиста елеганција. Клучни ноти: Лимон, бергамот, лаванда, роза, сандалово дрво
Gucci Moonlight Serenade Floral Water
Овој Gucci мирис е како љубовен еликсир во шише. Лаванда, жалфија и тонка создаваат заводлива мешавина што е идеална за layering со други парфеми. Mood: Романтичен, мистичен, модерен…
D.S. & Durga Burning Barbershop
Неочекувано длабок и дрвенест мирис со лажичка носталгија. Спеарминт, ванила и изгорена лаванда го прават идеален за љубителите на уникатни ароми. Овој уникатен, дрвенест и малку мистичен мирис е инспириран од стара берберница што изгорела во 1891 година.
Boy Chanel Eau de Parfum
Ако си фан на Chanel, ќе се вљубиш во оваа унисекс формула. Пудрасто, свежо и со суптилна доза на цитрус и сандалово дрво – совршен избор за секој ден.
Без разлика дали сакаш да се опуштиш, да плениш или едноставно да внесеш доза на софистицираност во твојата beauty рутина – лавандата е вистинскиот избор. Избери го твојот фаворит и подари им на сетилата моменти на мир, стил и нежност.
