Кинеската компанија Broad Group  за нешто повеќе од еден ден во Changsha, подигна модуларен станбен блок на 10 ката, наречен Living Building. Видео времепловот, објавен од Broad Group,  покажува дека зградата е подигната од голем тим на работници и три крана за 28 часа и 45 минути. Според компанијата, ова е „најкраткиот период на изградба на светот“ за зграда од вакви димензии.

Станбениот блок беше составен од стандардни модуларни единици со големина на контејнер, кои беа изработени во фабрика од Broad Group  и имаат структура од не’рѓосувачки челик. Секој модул е ​​долг 12,19 метри, широк 2,44 метри (осум стапки) и висок три метри.

Модулите во форма на контејнер се наредени така да се преклопуваат надолу за да станат подна плоча и да создадат простор без колона што е 12 метри на 4,8 метри. Прозорците и балконите се преклопуваат од единицата за да ги затворат просторите.

Модулите се транспортираат до локацијата со сите електрични и внатрешни завршни работи, што значи дека инсталацијата може да се случи брзо. „Екстремно едноставната инсталација само се затегнува и поврзува на лице место за вода и електрична енергија, велат од компанијата.

Видеото го прикажува комплетно завршениот станбен блок едноставно опремен со бели sидови и дрвени рамки на прозорците и балконите.

Секоја од модуларните единици беше изработена со sидови и подови, направени од нерѓосувачка челична плоча која е формирана од две плочи од не’рѓосувачки челик, разделени со стотици цевки од не’рѓосувачки челик. Според компанијата, овие плочи од Б-јадро се 10 пати полесни и 100 пати посилни од „конвенционалните“ подни плочи.

Компанијата тврди дека системот може да се користи за подигнување на облакодери од 200 ката.

Според компанијата, градежниот метод може да се искористи и за изградба на јавни згради, па дури и облакодери. „Совршено е погоден за луксузни резиденции, облакодери од 200 ката, како и идеја за јавни и станбени згради“, велат од Broad Group. http://en.broad.com/ProductShow-102.aspx

Broad Group  е кинески производител на единици за климатизација што се прошири во модуларна конструкција./М.М.

You may also like

Вести

ЕКСПО ДУБАИ 2020

Светската изложба отсекогаш била настан што ја покажува способноста на една земја да ја прикаже ...

Comments are closed.