Met Gala 2024, одржана во престижниот Метрополитен музеј на уметноста и посветена на заспаните убавици и на повторното будење на модата (Sleeping Beauties: Reawakening Fashion), навлезе во пресекот на технологијата во модата, вдишувајќи нов живот во облеката која понекогаш е и премногу деликатна за носење.
Настанот, со кој се собираат средства за работата на Институтот за костими на Музејот Метрополитен (Metropolitan Museum’s Costume Institute), го привлече вниманието не само со црвениот тепих, а поради кој се нарекува и Оскар на модата, туку и со тајната листа на гости, обвиткана во мистерија до моментот кога присутните се искачија на познатите скали на музејот.
Темата и кодексот на облекување е поврзан со природата, низ градината на времето, (The Garden of Time), со призвук за совест на модата, што на црвениот ќилим донесе многу цветни дизајни како и мода инспирирана од техното.
Како модератори на настанот, покрај Anna Wintour, уредничката на Vogue, беа Jennifer Lopez и Zendaya, заедно со Bad Bunny и Chris Hemsworth. Таинствената природа на настанот за списокот на гостите траеше се до нивното појавување на познатите скали на музејот.
Темата за заспаната убавина на модата – некогаш и новото технолошко време – е раскажана и преку пригодната изложба, со 250 изгледи во колекција која ја истражува деликатната рамнотежа помеѓу зачувувањето на минатото и прифаќањето на иднината, поканувајќи ги присутните да ги преиспитаат можностите на модата во пејзажот кој постојано се развива.
Иако се спуштија завесите на уште една Met Gala, темата останува да испирира и да носи дискурс и иновации во доменот на модата.
Еве ги впечатоците од црвениот тепих за тоа како темите се обмислени и претставени од присутните./М.М.
