Во текот на последните неколку години, Ralph Lauren често го покажува неговиот Њујорк – сега и со неверојатното модно шоу, пред неговата продавница во центарот на градот, а по повод 50-годишнината на неговиот бренд.
Легендарниот дизајнер ги претстави најновите стилови, наменети за пролетта 2023 година.
Моделите шетаа по модната писта, во десетици нови изгледи од етикетите на Ralph Lauren, во Purple Label, Double RL и Polo Ralph Lauren.
Клучните моменти на пистата опфатија рафинирани, класични стилови на Американа, инспирирани од Западот, вклучувајќи каубојски чизми и шапки, како и романтични, цветни фустани од прериите, потоа многу парчиња со велур и кожа, како и некои од прекрасно прилагодените силуети што со години се еден од потписите на Ralph Lauren.
Во својата шестдецениска кариера, Lauren често ја има обработувано американската историја, особено Западот и неговите митови. За тој интерес зборува и ранчот од 16.000 хектари во Колорадо, како и новите сознанија од архетипите и кодовите што ги истражувал претходно.
Другите основни стилови што беа прикажани за време на екстраваганцијата на западниот брег беа составени од лесни, блескави парчиња што ја отелотворуваа лежерната крајбрежна елеганција, како и гламурозна вечерна облека.
Додека се подготвуваа, манекените зад сцената ги носеа легендарните кошули Pink Pony Oxford. Како поддршка на годинешната кампања на Pink Pony, модната куќа одлучи да го донира целиот приход од продажбата на кошулите на Pink Pony фондот, како и на мрежата на меѓународни добротворни организации за борба против ракот./М.М.
