Нашиот модел Татјана Јанушева – Тати сезонава престојува во Париз кадешто, меѓу другите проекти беше дел и од модната ревија на FILA, на промоција на колекцијата FILA X VERSAILLES, наменета за љубителите на голф.
Ревијата е одржана во Chateau de Maintenon во присуство на голем број познати љубители на модата. Јанушева веќе неколку години работи како интернационален модел и беше дел од кампањите на Miss Sixty , Champion, Stradivarius, Tally Weijl, Prada и Gucci. Во светскиот моделинг ја застапува модната агенција Next Models, која важи за една од трите најдобри агенции во светот. Горди сме и бескрајно благодарни на Јелена Ивановиќ ( JS Management ) која во Јанушева препозна модел од свестки размери, велат од нејзината матична агенција Моделс ИН Менџмент од Скопје.
