Bobe's bakery

Киноа е семе без глутен, што потекнува од Јужна Америка, од регионот на Андите. Тој е фантастичен извор на протеини, влакна, витамини од групата Б и железо, а ги содржи и сите осум аминокиселини. Во диета без глутен, но и обична, може да биде совршен, вкусен додаток на разни јадења.

Bobe’s bakery

Еве еден рецепт за ќофтиња од киноа и тиквички што веруваме дека ќе ви се допадне.

Потребни состојки:

  •   две  тиквички,
  •   100 гр. киноа,
  •   2 јајца,
  •   морков, изрендан
  •   2-3 пасирани лукчиња
  •   3 лажици брашно
  •   половина китка исечкан магдонос
  •   сол, зачинал и бибер.

    Bobe’s bakery

Подготовка:

Во 200 мл. зовриена вода и прстофат сол, се става киноа за да поврие десетина минути, потоа се тргнува од оган и се затвара со капак. Измиените тиквички се рендаат и посолени се оставаат 10 минути, да отстојат (да пуштат вода). Потоа се цедат на цедалка.

Во сад се ставаат исцедените тиквички, киноата, морковот, лукчињата, брашното, јајцата и магдоносот. Се меша убаво, за смесата да се соедини. Се зачинува по желба со сол, бибер и зачинал.

Во тава со масло, на средна температура со лажица се пуштаат ќофтињата и се пржат додека заруменат од двете страни. Се служат со тартар сос или топка кисела павлака./Б.Б.

Наздравје!

Bobe’s bakery

Bobe’s bakery

Bobe’s bakery

 

ММ кујна

Обланди карамел

Обландите со карамел се совршени, особено доколку подготвувате прослава, или, сакате неделниот ручек со семејството ...
ММ кујна

Сушени домати

Најдобри за сушење се малите меснати домати, зрели, црвени, сеуште цврсти и без флеки. Пелатите ...

You may also like

Вести

90 години LEGO

LEGO во изминатите 90 години се етаблира не само како производител на забавни играчки за ...

Comments are closed.