Јубилејното, 30-то издание на Fashion Weekend Skopje, powered by UNIBank, годинава ќе се одржува од 25 до 27 април, под слоганот „Community“. Според соопштението од организаторот, модниот викенд ќе се оржува во Diamond Residence А Class office, кој е дел од проектот Diamond of Skopje.
Годинава УНИБанка е генерален партнер и, како што се вели, поддржувач на идејата дека модата не е само визуелен спектакл, туку и културен дијалог.
Освен модни ревии, се најавуваат и Public Talk Marathon, што го отвораат прашањето за одржливоста, културната релевантност и за улогата на модата во дигиталната ера. Најавени се и визуелни инсталации и интерактивни изложби на ДЛУМ, што ја истражуваат тема на „Community”, како форма на самоизразување, како и дигитален проект – заедницата која учествува во создавањето на „Community Outfits“ преку „mirror fit-check“, со креации од домашни дизајнери.
Fashion Weekend Skopje го помести почетокот на 30. издание за крај на овој месец поради трагедијата што го потресе Кочани и целата јавност.
Повеќе информации и целата програма на настанот можат да се видат тука.
