Дали новиот пристап на Victoria’s Secret дава резултати или реализираните промени во претставувањето се повеќе од скромни, а и доцна доаѓаат?
Најновата кампања на Victoria’s Secret може да им изгледа позната на оние кои го следат брендот. Имено, кампањата Icons ги прикажува Gisele Bündchen, Adriana Lima и Candice Swanepoel, супермоделките што го дефинираа изгледот на Angels, на Victoria Secret во 2000-тите. Но, има и неколку нови лица, како „it girl“ Hailey Bieber и водечкиот plus-size модел, Paloma Elsesser.
Комбинацијата на брендот со познати и нови лица го открива обидот за нов пристап на Victoria Secret: целта е повторно да го преземе своето лидерско место на пазарот на долна облека, потсетувајќи ја публиката на нејзината поранешна слава, а и да го адаптира својот имиџ, за да се вклопи во времето во кое големо влијание имаат разноликоста на телото и инклузивноста.
Крајниот тест за брендот во ова настојување ќе биде модната ревија што следниот месец, а по петгодишна пауза, ќе се емитува на Amazon Prime. Во соопштението за печатот се вели дека модното шоу ќе ја слави новата мисијата на Victoria’s Secret на глобално ниво.
Останува да се види дали тоа ќе помогне за воспоставување на повторни врски со купувачите, врски кои, според познавачите, се загубиле поради фокусирањето врз надворешниот изглед, без внатрешно разбирање на купувачите.
Имено, брендовите како на пример Savage x Fenty, основана во 2018 година и Yitty, лансирана во 2022 година, се фокусираа на помош на жените да се чувствуваат добро, наместо само да изгледаат добро. Новите учесници на пазарот за долна облека покажаа дека се потпираат на вредностите на инклузивноста и на различноста на телото, наместо на идеализираните на моделите, за да ги продаваат своите производи.
Така и брендот Skims на Kim Kardashian, познат по својата линија „Fits Everybody“ за сите големини и тонови на кожа, се надева дека ќе излезе во јавност со проценка од четири милијарди долари, додека брендот Parade, познат по моделите од различни етникуми и типови на тела, како профитабилен е купен од конгломератот Ariela & Associates.
Каде во оваа приказна е Victoria Secret: во 2021 година, брендот се обиде да го модернизира својот имиџ со кампања во која настапија американски фудбалски икони, ЛГБТК активистката Megan Rapinoe и кинеско-американска скијачка и олимпијка Eileen Gu. Но, дотогаш, брендот веќе беше нарушен со обвинувања за корпоративна мизогинија и врски со Jeffrey Epstein.
Предизвикот за Victoria’s Secret е и менувањето на перцепцијата за брендот на начин што се чувствува дека не е автентичен: луѓето едноставно не мислат на Victoria’s Secrets како на инклузивен бренд“. Останува мотото според кое „ мора да изгледате на одреден начин за да се сметате за убава“.
Последниве години продажбата на Victoria Secret опаѓа, а компанијата, според Jing Daily е принудена да затвора на десетици продавници, вклучувајќи ја и водечката во Пекинг. Сето се случува во време кога Neiwai, брендот за долна облека од Шангај собра 100 милиони долари финансии од Серија Д пред две години, а летово отвори и нова продавница во Сингапур. Брендот создава едноставни, погодни за носење парчиња долна облека чија цел е жените да ја чуствуваат пријатно долната облека што тие ја прават и продаваат. Да изгледаме добро за другите е клучна компонента на процесот на донесување одлуки кога се избираат бренд“, велат од Neiwai, додавајќи дека брендовите треба да најдат баланс помеѓу желбата на потрошувачите за самоизразување и доверба, како и на стремежот да се чувствуваат привлечно./М.М.
