Најверојатно поради претстојното преземање на Capri, на матичната компанија на Versace, од страна на Tapestry, колекцијата на Versace за сезоната есен/зима 24-25 зрачеше со самодоверба и сила, означувајќи пресврт за Donatellа Versace и за нејзиниот иконски бренд. На прес-конференција пред шоуто, таа зборуваше за бунтовни девојки и срамежливи генијалци, који ја инспирирале како и легендите Siouxsie Sioux и Princ.
Влијанието на овие културни икони беше видливо во текот на целата ревија, со акценти на панк естетика, манифестирани во шилци во косата и густи линии со молив околу очите. Сепак, толкувањето на Versace беше суптилно и софистицирано, избегнувајќи клишеа во полза на поинтензивен пристап.
Еден од најистакнатите елементи на колекцијата беше иновативниот пристап кон ткаенините, при што материјалите од Atelier Versace беа искинати и вткаени во твидови обложени со кристали. Овие луксузни текстили ја формираа основата на минијатурни од палта и јакни, елегантно комбинирани со хеланки со прерамки и унисекс балетанки.
Вклучувањето на нежни бели јаки кои потсетуваат на ревијата на Atelier Versace од 1993 година, додаде допир на носталгија на модерните дизајни. Сепак, ова чувство за традиција е поставено заедно со неочекувани елементи, како што се корсети скриени под фустаните, создавајќи динамична тензија помеѓу пристојноста и сензуалноста.
Сексипилниот потпис на Versace беше целосно прикажан, со сензуални силуети и смели деколтеа кои малку оставаа на фантазијата. Од фустани со качулка со провокативни шлицови до колони со песочен часовник украсени со проѕирни корсети и кристали на рамениците – секој изглед зрачи со самодоверба и привлечност.
Помеѓу највпечатливите изгледи беа црвените коктел-фустани и ансамблите со синџир, дизајнирани елегантнода паѓаат до колковите. Може да се претпостави какво влијание ќе имаат овие креации на црвениот тепих на престижни настани како Оскарите. Шоуто за сезоната есен/зима 2024-2025 ја потврдува позицијата на Versace како пионер во светот на високата мода.
Фото Кендам
Представувањето на колекцијата е на следниов линк:
