Shaleva, дизајнерскиот бренд што нуди модерни, тренди и уникатни креации, на 20 овој месец отвора свој поп-ап бутик во Париз. Бутикот ќе биде отворен до петти април, на 5 rue du Grand Prieuré, со работно време од 17 до 21 часот.
Shaleva е бренд на македонската дизајнерката Душица Шалева Петит, која живее и твори во Париз и досега има реализирано повеќе преставувања на свои колекции во Франција, како и на една модна ревија во Скопје.
Современите и оригинални креации на Shaleva ја отелотворуваат француската изработка, а стилот на брендот, според белешките на сајтот, им овозможува на жените и на мажите да се чувствуваат уникатно, привилегирано и исклучително./М.М.
