Fendi Есен/Зима 2025: Колекцијата што ја носи магијата на вековното наследство
Оваа есен и зима, љубителите на луксузната мода ќе можат буквално да носат дел од историјата. Fendi ја лансира својата јубилејна колекција за есен/зима 2025–2026, која првпат ја видовме во февруари на спектакуларната ревија во Милано, со која куќата прослави еден век постоење.
Модните ентузијасти веќе ја нарекуваат „колекцијата на сезоната“. Иконските чанти Baguette, Peekaboo и Spy Bag се враќаат во нови, современи верзии, додека новите модели Giano и Lui ветуваат дека ќе станат идни класики. Не е случајно што Baguette ја носеле Сара Џесика Паркер во Sex and the City и Мадона на своја турнеја, а Peekaboo била избор на Адел и на Меган Маркл — оваа сезона, тие парчиња повторно блескаат во полн сјај.
Дизајнерката Силвија Вентурини Фенди успеа да ја спои римската елеганција со свежа, урбана енергија: раскошен сатен, обработен shearling и плиссè текстури во палета на теракота, зелен нефрит и графитно сива. Парчињата се создадени да бидат и вечни и модерни — исто како и брендот.
Колекцијата, која симболично ја отворија внуците на креативната директорка, близнаците Дардо и Тацио Фенди, сега ја напушта пистата и влегува во бутиците на Fendi низ светот, подготвена да го освои секој моден град — од Рим и Париз, до Њујорк и Токио.
Со ова лансирање, Fendi не само што го одбележува својот прв век, туку и поставува нови стандарди за тоа како изгледа вистинската италијанска мода во 21 век.
