Во финансискиот кварт King Abdullah во Ријад викендов е отворена метро станица чиј дизајн е инспириран од пустинските дини и ветрови
Архитектите на Zaha Hadid викендов го претставија своето најно дело, метро станицата King Abdullah во Ријад, во Саудиска Арабија. Сместена во срцето на финансискиот кварт на Ријад, станицата ќе биде главен градски транспортен центар.
Станицата се одликува со динамичен, синусен дизајн, со карактеристична надворешна решеткаста структура. Таа не само што обезбедува естетско доживување, инспирирано од архитектурата на регионот, туку има и функционална цел: го намалува соларниот пристап и ги минимизира потребите за енергија во објектот.
Дизајнот црпи инспирација од природните обрасци создадени од пустинските ветрови, при што спротивставените брановидни формации на решетките го повторуваат протокот на сообраќајот низ станицата, делувајќи како столб за циркулација на објектот.
Внатрешноста на станицата е подеднакво импресивна, со решеткаста фасада што го осветлува просторот, надополнета со бели бетонски панели, акценти во златни нијанси и шарени подови. Дизајнот на зградата вклучува пасивни стратегии за заштеда на енергија, вклучително и систем за ладење напојуван од обновлива енергија, како одраз на посветеноста кон одржливоста.
Со шест железнички платформи распоредени на четири нивоа, метро станицата КАФД е клучна клучка во новата метро мрежа на Ријад, која се протега на 176 километри и опслужува 85 станици. Се очекува да игра клучна улога во справувањето со околу 3,6 милиони патници дневно во градот.
Во создавањето, според соопштението, Zaha Hadid и во овој објект ги комбинира врвниот архитектонски дизајн, со внимателна интеграција на локалната клима и културните референци на Ријад и Саудиска Арабија./M.M.
