Повремениот пост (intermittent fasting) е диететски принцип што во последно време станува мошне популарен. Идејата е преку куси периоди на гладување дополнително да се стимулира губењето на маснотии, бидејќи на тој начин се контролира лачењето на инсулинот (хормонот одговорен за складирање на јаглехидратите во телото како гликоген, или, како маснотии). Со манипулирање со гликозата во крвта и лачење на инсулинот, можете да се влијае врз растот на мускулите, особено доколку се контролиран и внесувањето на јаглените хидрати, пред и по физичката активност.
Овој диетски принцип е погоден за луѓе кои сакаат да пробаат неконвенционално слабеење и воглавно вежбаат. Со него се учи и да се прави разлика помеѓу физичката и ментална глад, што всушност е чест проблем при секое слабеење.
Постојат неколку методи на постење. Можете да ја изберете онаа што за вас ќе е најсоодветна.
Leangains – 16/8
Ова е најпопуларниот начин: по 16-часовен пост, имате 8 часа за два до три оброка. Се препорачува висок внес на протеини, темпирање на јаглехидрати веднаш по физичката активност и тренинг на празен стомак. Значи, ако вашиот пост започнува во среда во 18:00 часот и трае до четврток во 10:00 часот наутро, тренингот ќе го одработите во четврток наутро, пред оброк. Потоа во периодот од 10:00 до 16:00 часот ќе организирате 2-3 оброка, со тоа што првиот оброк после тренингот ќе биде најсилен.
Warrior диета – 20/4
За време на постот во траење од 18 до 20 часа, се реализира и тренингот. Потоа, во период од 4-6 часа се јаде еднаш или два пати. Потоа тоа следува нов 20-часовен пост. Луѓето обично го одредуваат периодот на храна за време на семејниот ручек, бидејќи така е поеднставно.
Eat-Stop-Eat – 24 часовен пост
Подразбира постење еден или два дена во неделата. Во другите денови воглавно се јаде необработена храна. Што се однесува до изборот кога ќе започне постот, се е многу флексибилно, а на вас е да одлучите дали ќе биде недела, понеделник или некој друг ден во неделата.
Пост секој втор ден – 36/12
Подразбира дека во понеделникот јадете нормално, а последниот оброк е во 20:00 часот. Потоа започнува постот, кој трае до среда наутро во 08:00 часот. Препорачливо е да се избере непреработена и нутритивно богата храна, без поголеми ограничувања во однос на количеството.
Без оглед на одбраниот пост, се препорачува приспособување на неговото времетраење кон вашите навики, за да ги почуствувате придобивките и да ги одбегнере ризиците што со себе ги носи повременото постење.
Придобивки: Од здравствена страна, придобивките вклучуваат: намалување на нивото на триглицериди во крвта, намалување на крвниот притисок, на оксидативен стрес и ризик од рак, зголемено лачење на хормони за раст и губење на масното ткиво, како и забрзување на метаболизмот, подобра контрола на апетитот и на нивото на гликоза во крвта.
Недостатоци: треба да се внимава да не се претера. Додека постот од 12, 20 или 36 часа може да ви помогне, подолг период без храна може да ве ослабне, вашиот тренинг може да стане премногу напорен, нема да можете да внесувате доволно калории или витамини и минерали во 2-3 оброка, а луѓето околу вас, работните и другите обврски би можеле да страдаат поради недостаток на концентрација, чувство на слабост и умор./М.М.
