Оваа куќа од тули и камен во Мавал, Индија, дизајнирана од локалното студио PMA Madhushala, претставува современа интерпретација на типологијата на куќа вообичаена за оваа област. Дизајнирана е со цел да создаде серија разновидни просторни искуства за нејзините жители.
Живеејќи со генерации во традиционални куќи, луѓето се навикнаа на живеалиште со соодветна заштита, внатрешен двор и големи отворени површини, објаснуваат од дизајн студиото. Затоа и сакаат архитектонска манифестација која ќе создаде идентитет за нивното семејство.
Мост од камен што води од градината преку мал базен, обезбедува пристап до домот, кој е организиран во повеќе структури од бетонски блокови. На врвот на основата од носечки сив камен, фасадата од црвена тула е артикулирана со обрасци слични на бранови, со мали неправилни отвори кои го движат воздухот низ домот и ја елиминираат потребата за механичко ладење.
На приземјето, просториите за живеење и трпезаријата имаат најнепосредна врска со овие отвори и дворовите, со дрвени врати што се отвораат кон местата за седење и малиот базен.
Оваа куќа од тули и камен во Мавал, Индија, е влезена во потесниот избор во категоријата рурални куќи на наградите Dezeen 2022 година./М.М.
