![](https://i0.wp.com/modamoda.mk/wp-content/uploads/2024/06/IMG_3190.jpeg?resize=800%2C400&ssl=1)
Мајами, градот на вечното лето и на неисцрпната енергија, беше домаќин на Miami Swim Week, настан кој веќе 20 години ги воодушевува љубителите на модата. Годинава,по традиција, најголемо внимание привлекоа костимите за капење, односно новите трендови, како и оние кои им одолеваат на времето.
Минатата недела Мајами Бич беше сцена за триесетина модни ревии на кои беа претставени новите колекции на костими за капење, на облека за плажа и на додатоци, со нови силуети, боји и атмосферата.
Од свилени марами до моќни стилови во нијанси на зелена, лилјакова и црвена, годинешната недела посветена на плажите и на времето на одмор понуди широк спектар на инспиративни трендови.
Женска естетика, контрастни рабови, бохо-шик и асиметрични кроеви – сето се елементи и само дел од богатството на креации кои беа претставени на ревиите, додека анимал принтот, омбре дезените и металниот сјај внесоа доза на храброст и повик на авантура.
Меѓу највпечатливите модни моменти на Miami Swim Week се издвојуваат микро црните костими, потоа оние со асиметрични кроеви и цветни принтови, како и металик ткаенините. Се испостави и дека има многу начини да се носи свилена марама. Hunting Hue на пистата покажа свилени марами и големи и мали, квадратни и во облик на вратоврска. Марамите беа придружни како мини саронги, но и како врзување на вратот и зглобот, па дури и целосни прекривки во некои изгледи. Како и да се стилизираат, јасно е дека ова е задолжителен моден додаток на сезоната.
Во представените колекции присутен е трендот на ново читање на силуетите од пред три, четири, па и пет децении. Така, на пример, се појавија 90-тите, во костимите со контрастни цевки: спортски, елегантни, минималистички или, како во дизајните на Acacia – со теракота. Бохо-шик во најновата колекција на Chloé е со естетика инспирирана од 70-тите и тоа не само како тренд или фестивалско дружење – туку како повик за безгрижен, опуштен начин на живот, барем летово.
Иако металик ткаенините се незгодни за стилизирање, акцентот на силуети од 60-тите, во колекциите на SHAN и на Chloé Rose, е со безмалу совршена рамнотежа која, освен нов поглед од минатото, нуди и забавен и футуристички стил.
Chevron ригите и трипи микро отпечатоците, популарни во 70-тите, сезонава доживуваат триумфално враќање. Со нив и брендовите Luli Fama и Acacia, понудија колекции исполнети со богати дезени и бои./М.М.