Пејсаж бр. 22 е колекција произлезена од потребата да се истражи влијанието на современата технологија во корелација со недостатокот од потребната доза на природа во нашето секојдневие. Дигиталниот свет е место во кое поминуваме сè повеќе време, па дури и кога се наоѓаме во природа, нашето доживување е испреплетено и придружено со социјалните мрежи и користење на новите технологии.
Па така, пејсажите кои ги гледаме во текот на денот, се сè повеќе дигитални одколку реални. Гледаме наши и туѓи фотографии од разни патувања, во потсвеста дефилираат слики од минатото, сегашноста, бајките, сериите, филмовите, видео игрите, не сме веќе сигурни дали има граница со реалноста, линиите се нејасни. Во оваа реална/нереална игра, пејсажите се измислени, сонувани, шумски, со звуци, мириси, растенија, животни и главни ликови кои можеби постојат, а можеби и не. Тука се, преку отпечатоците карактеристични за стилот на брендот, везените флорални мотиви, рачно плетените дизајни, архивски корали и разни други камчиња.
Приказната е збогатена со стилизиран вез инспириран од орнаментиката на старословенските ракописи, поточно елемент од Псалтир со последование, коj датира од 16-от век. Тој мотив е во континуирана истрага и се појавува и во претходните креативни авантури на брендот.
Колекцијата е работена според принципите на слоу фешн, знаејќи дека е неопходно во иднина дизајнот да се одвива во рамките на одговорен однос кон планетата и животната средина. На секој дизајн е посветено особено внимание, креаците се уникатни, изработени од квалитетни материјали, секој детал има свој придонес кон генералната форма и порака.
More in:Мода
Изложба посветена на Alexander McQueen
Lee Frist Art Museum во Нешвил, Тенеси, подготвува изложба посветена на делото на легендарниот бритаснки ...
Новите Giaborghini чевли се Sexy and Alive
Sexy and Alive, е нова колекција на чевли, создадена како резултат на соработката на италијанската ...
Madame Olé: фламенко модна колекција на Juane Martín
Својата најнова фламенго модна колекција, насловена како Madame Olé, дизјнерката Juane Martín ја претстави на ...
Есента на Oscar de la Renta е исполнета со Art Nouveau
Laura Kim и Fernando Garcia, креативните директори на Oscara de la Renta, за колекцијата за ...