Пејсаж бр. 22 е колекција произлезена од потребата да се истражи влијанието на современата технологија во корелација со недостатокот од потребната доза на природа во нашето секојдневие. Дигиталниот свет е место во кое поминуваме сè повеќе време, па дури и кога се наоѓаме во природа, нашето доживување е испреплетено и придружено со социјалните мрежи и користење на новите технологии.
Па така, пејсажите кои ги гледаме во текот на денот, се сè повеќе дигитални одколку реални. Гледаме наши и туѓи фотографии од разни патувања, во потсвеста дефилираат слики од минатото, сегашноста, бајките, сериите, филмовите, видео игрите, не сме веќе сигурни дали има граница со реалноста, линиите се нејасни. Во оваа реална/нереална игра, пејсажите се измислени, сонувани, шумски, со звуци, мириси, растенија, животни и главни ликови кои можеби постојат, а можеби и не. Тука се, преку отпечатоците карактеристични за стилот на брендот, везените флорални мотиви, рачно плетените дизајни, архивски корали и разни други камчиња.
Приказната е збогатена со стилизиран вез инспириран од орнаментиката на старословенските ракописи, поточно елемент од Псалтир со последование, коj датира од 16-от век. Тој мотив е во континуирана истрага и се појавува и во претходните креативни авантури на брендот.
Колекцијата е работена според принципите на слоу фешн, знаејќи дека е неопходно во иднина дизајнот да се одвива во рамките на одговорен однос кон планетата и животната средина. На секој дизајн е посветено особено внимание, креаците се уникатни, изработени од квалитетни материјали, секој детал има свој придонес кон генералната форма и порака.
More in:Мода
Есента на Oscar de la Renta е исполнета со Art Nouveau
Laura Kim и Fernando Garcia, креативните директори на Oscara de la Renta, за колекцијата за ...
Софистицираната, суптилна естетика на Roberto Cavalli
Најновата колекција на Roberto Cavalli, наменета за сезоните есен/зима 24-25, означува отстапување на брендот од ...
Very Vivara – винтиџ колекција на брендот Pucci
Pucci ја ревитализира винтиџ елеганцијата со современ шмек и навестување за циклусите на природата. Колекцијата ...
Versace есен/зима 24-25: спектакл на стил и иновации
Најверојатно поради претстојното преземање на Capri, на матичната компанија на Versace, од страна на Tapestry, ...