Ова е сентиментална колекција, на одреден начин и многу лична, ќе изјави Giorgio Armani во претставувањето на својата пролетно/летна колекција. Во неа сè вибрира: и боите, низ сензации и – чувствата. Вибрациите како да стануваат видливи во брановидните движења и ткаенини, едновремено проширувајќи ја хроматската скала: од бронза и сребро во скапоцени зелени и виолетови нијанси – за да стигнат до белата, а таа продира во вечерните часови.
Кохерентна и континуирана по дефиниција, визијата на Giorgio Armani се прекршува и мутира – како да минува низ призма. Изгледа различно, но останува непроменета, откривајќи ги вибрациите на изворот на идејата.
Отсекогаш сум сакал моите клиенти, кога ги носат моите дизајни, да се чувствуваат како најдобра верзија од себе, вели Armani. Мојата облека во себе има софистицирана и енергична природност што ја открива личноста каква што е, овозможувајќи и да стне незаборавна, но не претерано. Никогаш не ми се допаѓала идејата за облека што го обзема оној што ја носи.
Новите колекции се и повод за осврт врз иднината на брендовите создавани од дизајнерот во изминатите половина век во светот на модата. Независноста од гигантите во индустријата претставува движечка вредност за Armani Group и сега и во иднина, но мислам дека ништо неможам да исклучам, изјави Armani./М.М.
