ММ кујнаКултура на живеење

Жербо коцки

Bobe's bakery

Жербо коцките се традиционален унгарски десерт кој импресионира со својот вкус. Постојат бројни варијанти на овој колач – традиционални и оние поедноставни, со помалку состојки. Нашиот се потпира на традиционалниот рецепт, но е и малку збогатен – се надеваме дека ќе ви се допадне!   

Состојки потребни за тестото:

  • 200 гр. путер,
  • половина пакување свеж квасец,
  • 100 гр. шеќер во прав,
  • малку сол,
  • три жолчки,
  • прашок за пециво,
  • 150 мл. јогурт,
  • 500 гр. брашно,
  • рендана кора од портокал.

Состојки потребни за филот:

  • 400 гр. џем од кајсии,
  • 200 гр. мелени ореви,
  • 100 гр. шеќер во прав.

Подготовка:

Се матат путерот со шеќерот, па им се додаваат жолчките. Кога сместа ќе се соедини, се додава квасецот, прашокот за пециво, брашното, ренданата кора од портокал, солта и јогуртот и се замесува не многу лепливо тесто. Кога убаво ќе се измеси, се витка во фолија и се остава да одмори, во фрижидер, 30 минуи. Потоа тестото се вади од фолијата и се дели на четири топчиња. Од секое топче, на набрашнета површина, се сука кора.

Bobe’s bakery

Во плех со димензија 40цм Х 25цм, се става една кора, се боцка со вилушка, се премачкува со џем од кајсии и се посипува со мелени ореви, измешани со шеќер во прав.

Bobe’s bakery

Оваа постапка се повторува со сите топчиња. Кога ќе се стави, последната – четвртата кора, се боцка со вилушка и така подготвен, колачот се става во рерна загреана на 180 Ц и се пече 30 минути (да добие златеста боја).

Bobe’s bakery

Кога ќе се олади се посипува со чоколаден прелив.

Подготовка на чоколаден прелив:

Се топат 100 гр. путер со 4 лажици шеќер во прав, 4 лажици какао, 4 лажици вода. Се меша се до соединување на глазурата, за потоа да се нанесе на колачот.

Наздравје!/Б.Б.

Bobe’s bakery

 

ММ кујна

Обланди карамел

Обландите со карамел се совршени, особено доколку подготвувате прослава, или, сакате неделниот ручек со семејството ...
ММ кујна

Сушени домати

Најдобри за сушење се малите меснати домати, зрели, црвени, сеуште цврсти и без флеки. Пелатите ...

You may also like

Comments are closed.