Кога се спомнува италијанската модна куќа Bottega Veneta, првата асоцијација е кожата – без разлика дали се работи за Intrecciato препознатливиот модел на брендот или, на Jodie, односно Pouch чантите. Затоа можеби прозвучува изненадувачки да се открие дека модната куќа влегува и во светот на парфемите. И тоа со колекција од пет мириси за кои во Bottega се истакнува дека се секси, со ноти на ветивер и јасмин.
Првата колекција на мириси од Bottega Veneta, создадена под управување на креативниот директор Matthieu Blazy е создадена, а парфемите кои ги претставија досега не се видени. 
Уникатните шишиња се со цел да асоцираат на брановите во венецијанскиот Голем канал и лагуната ( внимателниот поглед открива дури и мали воздушни меури во стаклото). Како резултат на спојувањето со венецијанската архитектонска величественост, секој парфем доаѓа со зелена мермерна основа на Verde Saint Denis бидејќи затоа што, како што посочуваат од брендот – на уметноста и треба пиедестал.
Colpo di Sole (италијански израз за „изгореници од сонце“) ја поттикнува топлината на медитеранското сонце со цвет од портокал, додека Déjà Minuit (на француски „веќе е полноќ“) е инспириран од пребрзото поминување на убавото време, а содржи здравец и кардамон. Дојди со мене (Come With Me ) се фокусира на италијанскиот бергамот, а Alchemie меша розова пиперка со францускиот орисов путер.
Уредниците на ELLE го добија на проба мирисот Acqua Sale, мирисот кој ја доловува аромата на солената вода на кожата. Тие го опишуваат Acqua Sale како мирис кој потсетува на одмор на плажа, со благи слатки ноти. Освен мирисот, повод за дијалог е и шишето, благодарение на впечатливиот дизајн кој ја комбинира модерната естетика со венецијанската традиција.
Оваа колекција на мириси не само што обезбедува единствено олфакторно искуство, туку и естетско, со што Bottega Veneta уште еднаш докажува дека во нивната филозофија клучни се посветеноста кон уметноста и дизајнот./М.М.
