Облеката и чевлите создадени во њујоркшката фирма Simplifyber не се само 3д принт и создадени во лабораторија, туку се и 100% биоразградливи.
2023 ќе биде голема година, ќе ги произведеме првите 3D-калапирани чевли од природни влакна.
Тоа е фасцинантна област на иновации, имајќи на ум дека модната индустрија е третата најзагадувачка индустрија, посочуваат Maria Intscher и Phil Cohen, коосновачи на Simplifyber. https://www.simplifyber.com/
Така, решив да направам нешто во врска со тоа – и тогаш се сретнав со мојот ко-основач и нашиот директор Phil Cohen и направивме план. Создадовме начин да направиме облека и додатоци од биоразградливи материјали во нов, револуционерен процес на адитиви – систем што го нарекуваме „Simplifyber“, вели Maria Intscher, објаснувајќи ја идејата и почетоците на фирмата.
Нашите производи започнуваат како природни влакна во течност и ние ја користиме таа течност за да создадеме 3Д форми директно, без потреба од предиво или ткаенина. Облеката и додатоците што ги правиме се врзуваат на молекуларно ниво и се формираат со помош на калапи.
Тие изгледаат многу различно од традиционалните производи затоа што фундаментално го менуваме целиот процес на правење чевли и облека – нашите материјали никогаш не треба да постојат како рамна ткаенина што се спојува за да се направи форма – ние само ја правиме формата, директно од влакна.
Нашите производи се биоразградливи и имаат помалку ресурси од традиционалната облека и чевли. Ние отстрануваме 60% од индустриските чекори вклучени во производството на облека и додатоци – така што има заштеда на енергија и емисии поврзани со тоа. Го елиминиравме превозот, што обично се случува помеѓу предење, ткаење и склопување.
Најголем предизвик е цената, велат Maria и Phil. Одржливите ткаенини чинат повеќе од споредливата стандардна ткаенина – и поради тоа, има многу брендови кои нема да користат одржлива ткаенина, или барем не за повеќето од нивните колекции. Брендовите водени од цените – особено компаниите за брза мода – едноставно нема да прифатат решение што не се вклопува во нивната цена. Друг предизвик е перцепцијата меѓу дизајнерите дека би морале да направат компромис за убавината или перформансите, ако одат со нешто одржливо; сепак, во последните неколку години, видов дека оваа перцепција почна да се менува.
Јас сум вечен оптимист, вели Maria Intscher, за магазинот Дизајн, па гледам дека иднината на модата е помалку интензивна за ресурси, целосно кружна (со рециклирање и биоразградливи материјали), а производството се враќа поблиску до местото каде што се дизајнерите и нивните клиенти, наместо во странство./М.М.
