Goldfield & Banks, една од најуспешните современи австралиски парфемски брендови, создаде нов мирис за 2021 година, наречен Silky Woods. Тој е дел од новата колекција наречена Botanical Series, поради значителната концентрација на природни или ботанички компоненти. Исто така, тој е концентрат за парфем, со околу 20% парфемска јачина.
Goldfield & Banks
Silky Woods ветува многу, па и очекувањата се големи. Според профилот, кога ги гледате белешките и состојките, се чини дека е парфем од ванила-килибар со дрвени аспекти. Содржи богатство од клучни состојки за љубителите на килибар: шафран, ванила, олибанум, агарово дрво, цимет. Овие елементи го носат мирисот на некои импресивни височини.
Но, Silky Woods прави нешто поинтересно, со употреба на неколку необични комбинации. Кога прв пат ставате Silky Woods, мирисате смела и блажена ванила, потоа своевидна мешавина на млечно и цветно, што со мешаат со остри состојки, како шафранот, а во помала мера и циметот.
Еден час по аплицирањето, откривате една од другите витални компоненти, што го создаваат овој посебен профил, а тоа е тутунот. Има прекрасен ефект во Silky Woods, спојувајќи се со мошусот. Се опуштаат и другите ароматични производи, па мирисот како да врие, а многу од елементите како да се вртат едни околу други, за да формираат мистериозен „поинаков парфем„- со кожа, сандалово дрво, килибар, или, по малку од сите нив.
Тука создавачите Goldfield & Banks како да отвораат нови простори: Австралиската мапа за парфеми сè уште е многу нова и нема „профил“ како што очекувавме од другите региони во светот. Можеби токму Silky Woods ќе биде влијателна точка на овој парфемски простор, со автохтони австралиски состојки./М.М.
