Мис на САД , R’Bonney Gabriel од Тексас е крунисана на 71.избор на Мис Универзум, што се одржа во конгресниот центар во Њу Орлеанс, во Луизијана.
R’Bonney Gabriel е моден дизајнер, модел и инструктор за шиење. Таа е првата филипинска aмериканка со титула Мис на САД.
Речиси 90 учеснички на натпреварот имаа повеќе настапи, вклучувајќи костими за капење и национална носија.
Имено, натпреварувачите на Мис Универзум ги покажаа своите елаборирани тоалети инспирирани од нивните матични земји, за време на рундата за национални костими.
Во прашањата и одговорите на последната фаза од натпреварот за тројцата финалистки, г-ѓа Gabriel беше прашана како би работела за да покаже дека Мис Универзум е „охрабрувачка и прогресивна организација“ доколку сака да победи. „Би го искористила за да бидам трансформациски лидер“, одговори таа, наведувајќи ја нејзината работа користејќи рециклирани материјали во нејзиниот моден дизајн и предавајќи шиење на преживеаните од трговија со луѓе и семејно насилство. „Толку е важно да се инвестира во други, да се инвестира во нашата заедница и да се користи вашиот уникатен талент за да се направи разлика./М.М.
