Resort 2026 колекцијата ги спојува лежерноста и елеганцијата – Max Mara во дизајн инспириран од
Неапол.
Max Mara ја претстави колекцијата Resort 2026 со линијата Perfect Pairings, создадена во соработка
со легендарната неаполска модна куќа E. Marinella, позната по своите рачно изработени свилени
ткаенини и препознатливи архивски принтови.
Resort 2026 колекцијата на Max Mara, претставена во величествениот амбиент на La Reggia di Caserta, е омаж на италијанскиот стил и на живописната неаполска енергија. Линијата ја црпи инспирацијата од италијанската кинематографија од педесеттите години, од ликот и мистиката на тогашните водечки актерки и од нивната суптилна, но магнетна сензуалност. Во исто време, колекцијата го слави префинетиот занает на неаполското кроење, кој со децении го дефинира уникатниот баланс меѓу елеганција, сведеност и раскош што не се демонстрира, туку се чувствува.Под креативната визија на брендот, Venere Vesuviana станува модна приказна која ја спојува
митологијата, киното и занаетчиската традиција во современа силуета за жената која носи историја, но чекори кон иднината.
Соработката резултираше со еден од најкоментираните изгледи на сезоната: свилени комплети со
впечатливи мотиви, кои ја комбинираат удобноста на пижами со елеганцијата и филмскиот гламур од златниот период на италијанската кинематографија.
Дизајнот на Perfect Pairings е замислен како модерен одговор на потребата за лесни, комфорни
силуети кои истовремено имаат префинет, речиси кинематографски впечаток. Критичарите ја пофалија колекцијата како пример за тоа како може да се спои наследството на традиционалните италијански занаети со модерното толкување на луксузната лежерност, што е веќе препознатлив потпис на Max Mara./М.М.
Фотографии: Max Mara
