JZJ, брендот на македонскиот дизајнер Златко Јовановски имаше свое претставување на Париската модна недела (Paris Fashion Week). Неговата нова couture колекција “JZJ’s Burlesque” е промовирана на ревија одржана во ексклузивниот Plaza Athénée Paris.
Претставени се пет рачно изработени модели во силни бои, со извезени доминантно златести детали кои, според Paris Fashion одаваат блескава фузија на луксуз, осветленост и софистицираност.
Познат и како King of Sparkle, Јовановски ревиите ги завршува со препознатлива круна и кралска облека на пистата. Така беше и овој пат, во Plaza Athénée Paris./М.М.
