Кинеската компанија Infinix ја претстави иновативната концепција за мини телефон со преклопи до големина на кредитна картичка, што може да се користи како функционална камера. Овој уникатен уред е прикажан на годинешниот Mobile World Congress (MWC) во Барселона, под името *Zero Series Mini Tri-Fold*.
Телефонот се преклопува вертикално овозможувајќи различни начини на користење. Кога е целосно расклопен, работи како класичен паметен телефон, кога е преклопен се трансформира во мини уред со два екрана, а кога ќе се тројно ќе се преклопи, телефонот станува функционална камера која може да се закачи за ремен од ранецот и да се користи за снимање во движење.
„*Zero Series Mini Tri-Fold Concept Device* беспрекорно се трансформира од паметен телефон до помошник за фитнес или забава, како и компактен уред за снимање, отворајќи нови можности за мобилност, креативност и функционалност“, изјави претставник на компанијата Infinix. „Ова не е само уште еден склоплив телефон; ова е смела реимагинација на тоа како технологијата го подобрува секојдневниот живот, беспрекорно преминувајќи помеѓу различни форми.“
Телефонот е дизајниран со цел да ги задоволи потребите на младите корисници, кои бараат уреди кои лесно се интегрираат во нивниот секојдневен живот. „Како што се развива побарувачката за склоплива технологија, младите потрошувачи бараат повеќе од поголеми екрани; тие сакаат уреди кои се беспрекорно вклопуваат во нивниот начин на живот, заменувајќи повеќе уреди со еден, прилагодлив уред“, изјавија од Infinix.
Во режимот со два екрана, уредот може да се закачи на рачката на велосипед, или, на опрема за вежбање, овозможувајќи следење на тренингот или навигација, додека истовремено се обезбедува можност за повеќејазични разговори. Infinix очекува корисниците да можат да користат еден екран за текст или видео, а другиот за превод, или да го користат главниот екран за селфи, додека другиот екран служи за кадрирање.
Овој револуционерен уред на Infinix претставува можност за развој на технологија која совршено се вклопува во секојдневната употреба, нудејќи увид во иднината во која иновацијата, функционалноста и естетиката доаѓаат во еден уред./M.M.
