Евоцирајќи го сончевиот гламур и сјајот на одмор во луксузно одморалиште, H&M ја претставува новата колекција женска облека инспирирана од оригиналната серија на HBO® – „Белиот лотус“ во соработка со Алекс Боваирд, костимографот на „Белиот лотус“, заедно со Warner Bros. Discovery Global Consumer Products. Според соопштението колекцијата пристигнува на време за најочекуваното издание на третата сезона, во одбрани продавници на H&M ширум светот и онлајн, на 20 февруари, 2025 година.
Преполна со живи бои, динамични принтови и силуети со високи октани, 25-делната капсулна колекција замислува аспиративна гардероба за одмор што црпи инспирација од внимателно обработените гардероби на ликовите од оваа сезона. 
Низата впечатливи ансамбли се дизајнирани да бидат слоевити и прилагодени за опуштени денови покрај базен и ноќи кои создаваат спомени.
Боите се заразни и весели – ветување за добро време – а силуетата е обемна, со меки и проѕирни ткаенини украсени со карнери што лебдат на летниот ветер. Летни наметки со цветни отворени плетки, како и мотиви нацртани како романтични отпечатоци од цветови од лотус ја доловуваат бујноста на локалитетот и тој ескапизам во кинематографски стил кој може да го поттикне само патувањето.
„Да се направи колекција на „Белиот лотус“ значи да се искористи вистинскиот културолошки момент – тоа, исто така, значеше дека можеме да создадеме гламурозна и магична колекција инспирирана од одморалиштето. Верувам дека како личност сте похрабри на одмор; можете да откриете различен карактер и тоа го пренесувате преку начинот на кој се облекувате. Ја има и таа разновидност, за да можете да се спакувате лесно. Облека за на плажа, но, ако сакате, можете лесно да ја стилизирате и за вечерни излегувања. Тоа е совршена гардероба за летен одмор“,изјави Ан-Софи Јохансон, креативен советник во H&M.
Има по нешто за секој момент и расположение, од младешките фустани инспирирани од популарните фустани на бебешките кукли од 1960-тите, бохо шеширите и кратките и слатки модели од тантела, до романтични долги фустани и наметки. Низа додатоци го засилуваат чувството на одмор. Ткаени шешири и торби и ланчиња во златни тонови со мониста и школки го имаат она драгоцено чувство на локално откритие, додека очилата за сонце и папучите го финишираат летниот изглед.
„Ми се допадна да работам со тимот во H&M на дизајните за колекцијата. Секогаш ја имаме оваа мала фраза во шоуто: „Ништо не е премногу за Белиот лотус!“. Така, повеќе ме привлекуваат смелите дезени и пораскошните, екстравагантни парчиња. Обожавам што колекцијата може да се носи цел ден – нешто што можете едноставно да го наметнете за да одите на појадок или базен, или можете да додадете накит и да го носите на вечера. Има по нешто за секого, изјави Алекс Боваирд, костимограф на „Белиот лотус“.
Третата сезона на „Белиот лотус“ ќе има премиера на HBO и Max на 16 февруари 2025 година.
