За Shields Commence е длабоко личен проект: Не сме само брчки; не сме само менопауза. не сме на крајот! Ние сме на нов почеток и треба така да се однесуваме, вели Brooke Shields, американската актерка, моделка и предприемач, објаснувајќи го името на брендот.
На 59 години, Shields верува дека жените на нејзина возраст често се занемаруваат или се лошо претставени во индустријата за убавина. Од таму, нејзината цел е да ја пополни оваа празнина, нудејќи асортиман на производи прилагодени на потребите. Линијата засега има само три производи: сув шампон, регенератор 3-во-1 и серум за корен на косата.
Во фокусот на Commence се практичноста и пристапноста. Дополнително, живописните бои и големите букви на пакувањето одговараат на преференциите и на Shields и на нејзината целна публика. Зад сцената, Commence може да се пофали со импресивен состав, вклучувајќи кватернизирана хијалуронска киселина, екстракт од луцерка, пептиди од киноа и матични клетки од акаи, сите избрани поради нивната ефикасност во промовирањето на здравјето на косата и борбата против ефектите од стареењето.
И покрај преполниот пазар со слични производи од познати брендови за убавина, Shields се залага за ефикасноста на Commence, откако самостојно го финансираше проектот, за да обезбеди успехот. Со нејзините две ќерки, Rowan и Grier, кои ги користат и сакаат производите, Shield ја нагласува и инклузивноста на нејзиниот бренд, грижејќи се не само за нејзината целна група, туку и за помладите генерации./M.M.
