Македонската манекенка Горјана Кулишевска – Џоја, една од најуспешните интернационални
модели, се појавува во новата светска кампања на козметичките гиганти L’Oréal и Mugler.
Кампањата претставува соработка на врвниот козметички бренд L’Oréal со легендарниот моден
дизајнер Тиери Муглер, под заедничката етикета L’OREAL X MUGLER.
Ексклузивно лице на оваа линија е познатата Кендал Џенер, а меѓу меѓународните модели кои јапретставуваат е и македонската убавица Џоја, позната по својата елеганција и препознатлив став
пред објективот.
Кулишевска веќе подолго време е дел од агенцијата на Јелена Ивановиќ, со која има потпишан договор. По успешните сезони во Милано и Париз, Џоја соработуваше со модни куќи како Alexander McQueen и Moschino, градејќи впечатливо портфолио на интернационално ниво.
Од нејзината матична агенција Models IN од Скопје, со која работи веќе девет години, велат декаоваа кампања претставува уште едно големо признание за нејзиниот труд и талент. „Џоја не само што е симбол на грациозност и професионализам, туку и единствената македонка која досега станала дел од светска козметичка кампања од овој ранг,“ велат од агенцијата.
Со ангажманот за *L’OREAL X MUGLER*, Џоја уште еднаш ја потврдува својата позиција на
меѓународната модна сцена, носејќи дел од македонскиот сјај во светот на моделингот.
