Во пресрет на Денот на вљубените – Свети Валентин, од 8 до 14 февруари, на првиот кат од Скопје Сити Мол ќе се одржува „Сити базар – Подари љубов, укради срце!“.
Според соопштението, на базарот ќе учествуваат 34 македонски современи ракотворци, со широка палета на рачно изработени производи.
Посетителите ќе имаат можност да изберат подароци за своите најблиски, а секој производ е мало уметничко дело, во кое е компримиран креативниот труд на ракотворците. Од колачиња декорирани во духот на љубовта, преку впечатливи аксесоари, чанти и накит, до дизајнирани свеќи, љубовни сувенири, веганска козметика и шарени керамички приказни.
Според најавата, од 8 до 11 февруари на базарот ќе учествуваат: Glossy Accessories, Pinkocrafts, Wanderlust_mk, tangled.threadss, Flow.Can.Donna, Шарено ќоше, vbunarovska, Scented Studio, marcy_s_handmade, Сербез, Креативно студио Алегра, ByMimiCosmetis, Pika.Jesmonite, Wax & Wick Candles, Crochet by Fosi, Jordan WoodWorker, Китка дарови и Ателје Сиена.
Од 12 до 14 февруари штандовите ќе бидат резервирани за: Ukiyo Crafts, simple Du, Balloon Twister, Dekoracii Marija, M&M Luxury Soap Bouquet, КРУГ, Луксифај гифт шоп, Бибер и Ванила, Добро ми стои, Елена Ристовска, АКРЕА, Small piece of joy, Zen.Zeal, Love corner, Lumos Glow Candles и Monkdolls.
„Подари љубов, укради срце“ е дел од новата иницијатива на Скопје Сити Мол – „Сити базар“, која започна во јануари, со цел да ги промовира и поддржува македонските ракотворци. Базарот ќе се одржува секој месец, на постојана локација и секогаш со нова тема, со различни настани, фестивали, базари, перформанси, едукативни и интерактивни работилници… секогаш насочени кон промоција на македонските креативци.
