Паштета од целер – и вкусна и здрава

Состојки: поголем корен од целер, јаболко, 100 гр. путер, две сварени жолчки, 1/2 помал кромид изрендан на ситно ренде, сол и бибер по вкус.

Подготовка: Целерот и јаболкото се лупат и се сечкаат на ситни коцки. Во тенџере се растопува путер, се додаваат целерот и јаболкото за на тивок огин да се динстаат додека да омекне целерот. Оладените целер и јаболко се ставаат во блендер, им се додаваат варените жолчки, како и ренданиот кромид, солта и биберот. Со тоа завршува подготовката на паштетата од целер. По подготовката, се става малку во ладилник па се служи. Наздравје!/Б.Б.