Како и годинава, така и во 2025-та обетките ќе продолжат да бидат клучен моден додаток, со смели парчиња, одржливи дизајни и глобални влијанија, кои делумно беа и досега присутни на модната сцена. Софистицираноста и храбрите изданија беа препознаени и во тековната празнична сезона.
Обетктие, како клучен моден додаток, ќе бидат со винтиџ дизајн, но со модерен пресврт, со арт-деко елементи, геометриски форми или со сложен филигран. 
Дополнително, етички направените златни обетки, со употреба на рециклирани материјали, ќе станат многу доминантни, поради растечкиот интензитет на одржливата мода.
Обетките 2025 се со различни облици и должини – нудат бескрајни можности за самоизразување, а клучот на успехотот е во рамнотежата и пропорцијата, во формите и во дизајнот. Бисерите остануваат во тренд, но во комбинација со метали и скапоцени камења, давајќи им на обетките софистициран, но и рустикален изглед.
Во дизајните на обетките очекувајте да видите и спој на глобални влијанија. Традиционалната изработка од региони како Индија, Африка и Јужна Америка ќе инспирира изработка на сложени детали, додека глобалните трендови во уметноста, музиката и поп-културата ќе донесат во прв план смели парчиња.
Иако минималистичките дизајни остануваат популарни, дизајнерите во нив ќе вградат неочекувани елементи, како разиграни детали или различни материјали, за да направатат пресврт во однос на класичните стилови.
За прославите – клучот е во комбинација на софистицирани, но и смели дизајни. Без оглед дали се класични парчиња или модерни и креативни верзии, обетките за 2025 година опфаќаат широк спектар на стилови, за да одговараат на секој вкус и пригода.
