![](https://i0.wp.com/modamoda.mk/wp-content/uploads/2021/04/image0-4.jpeg?resize=640%2C400&ssl=1)
Киноа е семе без глутен што потекнува од Јужна Америка, од регионот на Андите. Тој е фантастичен извор на протеини, влакна, витамини од групата Б и железо, а ги содржи и сите осум аминокиселини. Во диета без глутен, но и обична, може да биде совршен, вкусен додаток на разни јадења. Еве еден рецепт за тиквички полнети со киноа.
Потребни состојки:
- четири тиквички
- 100 гр. киноа
- Морков, исечкан на тенки ленти, или, изрендан
- Кромид, исечкан
- 2-3 лукчиња
- два изрендани домата
- половина китка исечкан магдонос
- 100 гр. моцарела
- масло, сол, зачинал и бибер.
Подготовка:
Во 200 мл. зовриена вода и прстофат сол, се става киноата 10 минути – да поврие, потоа се тргнува од оган и се затвара со капак. Измиените тиквички се сечат на половина по должина. Со лажиче се вади срединиот дел.
Во тава со масло се пропржуваат кромидот и морковите, се додава средниот дел изваден од тиквичките. Се додаваат зачинал, бибер и сол по вкус, како и сварената киноа. Се промешува и се додава магдоносот.
Во тава се редат тиквичките, се полнат со смесата, а врз нив се става сосот од домати. Се става вода во тавата (околу 2 цм) и се става на печење во загреана рерна на 220Ц, околу 15 минути.
Потоа се вадат се покриваат со моцарелата и се ставаат уште пет минути, за да се стопи моцарелата. Се служат со топка кисела павлака.
Наздравје!
![](https://i0.wp.com/modamoda.mk/wp-content/uploads/2021/04/image2-4.jpeg?resize=640%2C480&ssl=1)
Bobe’s bakery
![](https://i0.wp.com/modamoda.mk/wp-content/uploads/2021/04/image3-3.jpeg?resize=640%2C640&ssl=1)
Bobe’s bakery
![](https://i0.wp.com/modamoda.mk/wp-content/uploads/2021/04/image4-3.jpeg?resize=588%2C788&ssl=1)
Bobe’s bakery